ayaw dudahi ang pagbayaw palihug

ayaw dudahi ang pagbayaw palihug

gisugid na kini kaniadto pa

sa mga karaan,

nga kon adunay mamatay

dili kini magpabilin

mobalik kini sa iyang gigikanan

ang mabilin mao lamang ang mga tipaka

kutob ra ba diay diha ang imong pangwenta?

ugma moabot na puhon ang alang kanimo

sugata kini sa kalipay sa imong mga kamot

ayaw pagbakho, mas angayan ka gani nga mosayaw

kay nahinumduman ka pa niya

ablihi ang imong kasingkasing ug dawata ang imong kapalaran

sama sa pagdawat sa mga kabukiran sa ulan

sama sa pagdawat sa mga kadagatan sa mga suba didto sa bukana

sama sa pagdawat sa mga kabulakan sa mga alibangbang ug mga buyog

sama sa pagdawat sa mga mangitngit ka kagulangan sa usa ka lusok nga kahayag

dawata una ang kamatayon ug ayaw gayod

dudahi ang imong pagbayaw ang imong pagkabanhaw paingon sa langit.