ALANG KANG J.

Balikan nato ang pagsag-ob ug tubig
nga gamit ang dakong kawayan

ang pag-inom gikan sa paya
ang pagkaon gamit ang usa ka kamot lamang

balikan nato ang pagkaligo didto sa tin-aw nga suba
bilin ang atong mga purol didto sa dakong bato nga si-ak

balikan nato ang atong mga katawa sa dihang nagdakpanay ta
didto sa bungtod diin ang mga hinog nga mangga nangapulak
tungod sa kusog nga hangin nga gikan pa sa baybayon

balikan nato kadtong dili mapapas sa atong mga alimpatakan
kay mao na lang kana ang mga bahandi nga dili makawat sa kapalaran.