Sa menteryo sa dihang mibisita ako kang nanay ug tatay

sa sementeryo sa dihang mibisita ako ni nanay ug tatay

Nay tay Ania na usab ako mibisita kaninyo mananghid kaninyo nga

Ugma molarga na ako paingon sa Mandaluyong sakay sa Cebu Pacific

Moadto na ako sa National Center for Mental Health

Kay aduna na akoy Reservation didto

Basin didto una ako magpuyo Bisag tulo lang ka bulan Ug ma-extend basin Tulo ka tuig depende sa akong Pagmugna ug mga balak didto

Didto man gud kuno kasagaran Mamugma ang pinakaanindot nga

Mga Balak Mao nga nay tay nga miboluntaryo

Ako sa pagsulod didto Sa ilang pagtugot

Sayod ko nay tay nga kamo Nangimbitar usab kanako dinha sa inyong lugar Diin mas nindot pa ang mga balak Kay sa gimugna didto sa taga mental hospital Apan sayod mo Nay Tay

Dili pa ko andam mosulod sa inyong kwarto Kay daghan pa ako ug tinagoan Nga dili jud ninyo mapasaylo Adto na ako nay tay.