si lolo ug ang iyang batan-ong palangganggang kaniadto sa wa pa masunog ang among balay

iyang tawag ni lolo
dodong
kini baya si inday nga
karaang
latagaw sa sanggotan
gapabirhenbirhen
ug pahiyom samtang
gahungitan si dodong 79
nga ang bigote
halhag ug ang apapangig
wala nay unod
kay gikaon sa bukog

"ambot dong oi" samtang
gihapohap ang dughang
hubakon
"nalibog ko nganong
gihigugma man ta ka"
sa iyang mga
kamot nga
mas pula pas kwitis
ang pulo ka kuko

naglagot ko, gisumpayan
ko ang dayalogo
"...dili kaha dong nga
katigayonan ray tumong
nako nimo?"

akong gituldukan ug
kapulo
aron ipakita nako
ang akong
kasubo.