FULL MOON ON TOP OF A CHAMPAGNE PALM'S TIP

sugdan ta ang baso
nga hapit na mapuno sa tubig
ang wa mitoo moingon nga kini
hapit na mahurot

ang uban moingon
katunga lang
medya medya lang gayod kini
ambot kon mapuno ba
o mahurot
kinsa ba gayod ang nasayod?
dili nato lalisan
anaa ang tubig sulod sa baso
unya ang baso
anaa gituntong sa tunga sa
lamesa
unya ang atong mga mata
wala maglantaw kanato
dayon ang panahon milabay
kon manamin kita
kitang tanan nangatigulang
kinsa bay ganahan moihap
aning atong mga kunot sa agtang?