FULL MOON ON TOP OF A CHAMPAGNE PALM'S TIP

MGA PANGANOD NI NARCISSUS

Sila nga naglutawlutaw sa langit
Mihapit ug hunong sa usa ka tin-aw
Nga lam-aw sa kilid sa dalan
Mitan-aw sa ilang mga dagway

Mga gapas mga kumpol sa
Mga nagkadiayang panagway

Giganahan silag tutok sa ilang
Mga lawas ug panagway.Mihunong.

Ang mga balili nagtindog ug ang
Mga lapokon nga suba nagpatigkong
Naningala sa mga panghitabo sa
Gamay nga sapa nga gitugpahan sa
Mga panganod sa habog nga langit

Ang usa ka isla sa mga sagbot
Nagpaanod paingon didto ug nahadlok
Baya ang mga panganod ni Narcissus
Mipanaw palayo hadlok madakpan

Wala kunoy tag-iya kanila ug dili
Usab sila kamaong mahigugma.